“Фукусима” АЭСдан сувнинг 3-партиясини оқизиш бошланди
Бу туризм ва балиқчилик соҳасига зарар етказмоқда.
Япония “Фукусима” атом электр станциясидан реакторларни совитиш учун фойдаланилган сувнинг учинчи партиясини океанга чиқаришни бошлади.
Жараён 20 ноябрга қадар давом этади, бу вақт мобайнида 7,8 минг тоннага яқин сув оқизилади. 2024 йил 31 мартга қадар океанга тахминан 31,2 минг тонна сув оқизиш режалаштирилган. Умумий чиқариш режаси 30 йилга мўлжалланган.
Фукусима атом электр станциясидан сув чиқиши Халқаро атом энергияси агентлиги (МАГАТЭ) томонидан тасдиқланди.
Фукусима сув дренажи Япониянинг туризм ва балиқчилик соҳасига зарар етказмоқда.
Октябрь ойида Россия Япониядан балиқ ва денгиз маҳсулотлари импортига вақтинчалик чекловлар киритди.
