Ўзбекистон энг яхши саёҳат маскани деб топилди
Жорий йилнинг 6-8 ноябрь кунлари Лондон шаҳрида бўлиб ўтаётган “World Travel Mart” халқаро туризм кўргазмаси бўлиб ўтди.
Жорий йилнинг 6-8 ноябрь кунлари Лондон шаҳрида бўлиб ўтаётган “World Travel Mart” халқаро туризм кўргазмаси давомида Туризм қўмитаси раисининг биринчи ўринбосари Жамшид Абдусаламовга дунёдаги энг машхур туристик нашриётлардан бири “Lonely Planet” Вице Президенти Том Бродй томонидан 2024 йил учун “Ўзбекистон - энг яхши саёҳат маскани” номинацияси ғолиби бўлганлиги муносабати билан махсус сертификат топширилди.
Маълумот учун: “Lonely Planet” - саёҳат бўйича қўлланма ва китоблар нашриёти бўлиб, 1973 йилда Австралияда ташкил этилган компания 150 миллиондан ортиқ китобларни чоп этган. Кунлик кузатувчилари сони 15 млн. га яқин.
Жорий йилнинг 25 октябрь куни 10 нафар давлатлар (Бенин, Чили, Хорватия, Ҳиндистон, Покистон, Мексико, Марокаш, Сент-Люсия ва Ўзбекистон) орасида Ўзбекистон номзоди “Lonely Planet” нашриёти экспертлари томонидан ғолиб деб топилган.
“Lonely Planet” экспертлари томонидан тақдим этилган маъумотларга кўра Ўзбекистон қуйидагилар ислоҳотлар учун танланган:
“Ўзбекистон бўйлаб воҳадан тортиб воҳагача саёҳатчилар ўтган асрлар давомидаги савдо тармоқларини кузатишда давом этмоқда. Бир пайтлар обод қалъа шаҳарларини боғлаб турган туя карвонлари ўрнини тезюрар темир йўл ва қулай ички рейслар тармоғи эгаллаган бўлсада, Самарқанд, Бухоро ва Хиванинг қадимий маданий марказлари ҳали ҳам Ипак йўли даврини эслатиб туради. Нурота тоғларида жамоатчилик асосидаги туризм ташаббуси ташриф буюрувчиларга чўпон жамоалари ҳаётини кўрсатади”.
Хабарингиз бор, Ўзбекистон делегацияси Буюк Британиянинг Лондон шаҳрида бўлиб ўтаётган “World Travel Mart” халқаро туризм кўргазмасида миллий стенд билан иштирок этди.
Ан-анавий тарзда Ўзбекистон миллий стенди остида иштирок этаётган Туризм қўмитаси масъуллари томонидан “World Travel Mart” халқаро туризм ярмаркасида мамлакатимиз туризм салоҳиятини хорижий далватлар орасида кенг тарғиб қилиш, хорижий туризм соҳаси маъмурияти билан ўзаро ҳамкорлик алоқаларини янада мустаҳкамлаш ва хорижий сайёҳларни жалб этиш мақсадида музокаралар олиб борилди.
Хусусан, “BBC World News” компаниясининг Евросиё ҳудуди раҳабари С.Становкин билан мамлакат туризм салоҳиятини халқаро майдонда тарғиб қилиш, "SNN"нинг МДҲ ҳамда Осиё мамлакатлари бўйича директори I.Aхмад ва "Euronews" компаниясининг халқаро тижорат директори K.Штайн билан халқаро медиа майдонларида Ўзбекистоннинг юксак маданияти, бой тарихи ва туризм салоҳиятини ёритишга қаратилган лойиҳаларни амалга оширишга келишилди.
