Киркоров ва Лолита Янги йил шоусидан четлатилди
Ташкилотчилар уларнинг ўрнига бошқа санъаткорларни қўйишган.
Хонандалар Лолита Милявская ва Филипп Киркоров 1 январь куни Москвада бўлиб ўтадиган қишки шоуда қатнашмайдиган бўлди. Улар "яланғоч базм"га боргани учун шоудан олиб ташланган.
“Биз санъаткорлар таркибидаги ўзгаришни эълон қилишга мажбурмиз. Янги йил концерти классик форматда бўлиб ўтади. Саҳнага Филипп Киркоров ва Лолита ўрнига Люся Чеботина, Хабиб ва Бурито чиқади. Дима Билан, лада Дансе ва Димитрий Маликов ўзгаришсиз қолмоқда", дея хабар берди ташкилотчилар.
Эслатиб ўтамиз, 20 декабрь куни блогер Настя Ивлеэванинг "яланғоч кечаси" бўлиб ўтганди. Унда меҳмонлар ярим яланғоч ҳолда келишлари керак эди: машҳур меҳмонлар орасида Лолита, Киркоров ва Дима Билан ҳам бор эди. Видеолар тармоқда тарқалгач, Ивлеэванинг ўзи ва бошқа баъзи санъаткорлар зиёфатда қатнашгани учун узр сўрашди.
