АҚШда эркак киши паркдан 7 каратлик олмос топиб олди
АҚШнинг Арканзас штати, Пайк округида жойлашган "Кратер Даймондс" штат боғида эркак киши оғирлиги 7 каратдан ортиқ бўлган қимматбаҳо тош топиб олди.
АҚШнинг Арканзас штати, Пайк округида жойлашган "Кратер Даймондс" штат боғида эркак киши оғирлиги 7 каратдан ортиқ бўлган қимматбаҳо тош топиб олди.
Fox News хабарига кўра, Парижда яшовчи Жюльен Навас Америкада бўлганида Арканзасдаги Олмос кратери штат парки ҳақида эшитиб, ҳаяжонланган. Инсоннинг бундай қизиқиши унинг илгари олтин ва тошга айланган аммонитни қидириш билан шуғулланганлиги билан боғлиқ.
Ж.Навас истироҳат боғидан олмос қидириш учун комплект сотиб олиб, қимматбаҳо тошларни қидира бошлайди. Бир неча соат ўтгач, у ўз топилмаларини боғнинг олмос қидириш марказига олиб борди, у ерда 7,46 каратли жигарранг олмос аниқланди.
Навас паркга келишидан бир неча кун олдин кучли ёмғир ёққан. У тупроқнинг бир қисмини ювиб юборган. Бунинг натижасида ер юзасида оғир тошлар, минераллар ва олмослар пайдо бўлган.
Навас бу тошни келини Карин шарафига номлаган. У тошни иккита олмос қилиб кесиб, бирини келинига, иккинчисини қизига беришни режалаштирган.
