“Энди клуб ўз келажагини режалаштириши мумкин”
Клопп нега “Ливерпул”дан кетмоқчи?
Эҳтимол, Клопнинг инглиз клубидан кетиши йилнинг энг муҳим янгиликларидан бири бўлиши мумкин.
Биз мураббийнинг келажаги ҳақидаги гапларини тўлиқ таржима қилдик.
“Мавсум охирида клубни тарк этишга қарор қилдим. Кўпчилик буни биринчи марта эшитганда, ҳайратланарли туюлади. Лекин, мен буни тушунтира оламан. Менга бу клуб борасидаги ҳамма нарса ёқимли. Бу шаҳарни яхши кўраман. Мен мухлисларни, жамоани, барча ходимларни яхши кўраман. Менда энергия йўқ. Мен бу ишни қайта-қайта бажара олмайман. Ҳозир менда ҳеч қандай муаммо йўқ, лекин эртами-кечми буни эълон қилишим кераклигини билардим. Мен соғломман ташвишланадиган ҳеч нарса йўқ. Ноябрь ойида клубга қарор ҳақида айтгандим. Шу ўринда энди одамларга қандай иш билан шуғулланишимни бироз тушунтиришим керак. Мавсум бошланмоқда ва сиз кўп нарсаларни режалаштиряпсиз: раҳбарият билан ёзда бўлажак трансферлар, қаерга боришимиз мумкинлиги ва яна кўп нарсаларни муҳокама қилдик.
Ўтган мавсум жуда қийин бўлди. Балки, бошқа клубда бўлганимда мени ишдан олишарди, лекин бу ерда ундай бўлмади. Мен учун жамоани курашга қайтариш жуда муҳим эди. Бу ҳақда ўйлаганимда, менда шундай фикрлар пайдо бўлди: бу жамоада катта имкониятлар бор, бу ерда зўр футболчилар бор, lekin... Мен ўзим ҳақимда ўйлашни тўхтата олмадим. Бу ўзим хоҳлаган нарса эмас эди.
Бошқа вақтда мавсум охиригача ҳеч кимга ҳеч нарса демаган бўлардим. Мен ғалаба қозониб, кейин кетаётганимни эълон қилардим. Аммо, бизда бу мумкин эмас - бундай қарорларни сир сақлаб бўлмайди. Бунга кўп нарса таъсир қилди, айниқса менинг шахсий ҳолатим. Одамлар, жамоа, клуб - бу ҳақда ҳамма олдиндан билиши керак. Улар ниманидир режалаштиришлари керак, клубга вақт керак. Ишончим комилки, агар сиз бундай қарор қабул қилишингиз керак бўлса, буни олдиндан қилиш яхшироқдир. Агар кейинги мавсум сентябрда мен буни энди қила олмаслигимни тушунганимда, вазият анча ёмон бўларди. Шунинг учун, буни имкон қадар эрта қарор қилиш муҳим эди.
«Боруссия»да ҳам худди шундай ҳолат бўлган. Натижаларимиз фақат ўзимизга боғлиқ. Балки, бу эълондан кейин матбуот анжумани ўтказармиз, лекин кейин 100% мавсумга шўнғиб кетаман. Бизда курашадиган нарса бор. Мен ҳар доим айтганман ва айниқса ҳозир такрорлаш жуда муҳим: фақат мен туфайли ҳеч нарса содир бўлмайди. Биз бир-биримизни тўлиқ қўллаб-қувватлаймиз, мен шу ердаман. Ўйлайманки, мен бу қарорни анча олдин қабул қилган бўлсам ҳам, сўнгги ойларда ҳеч ким ҳеч қандай ўзгаришларни сезмаган.
Мен учун бу қийин эди. Лекин бу енгиллик бўлди. Мен ўзим учун марра чизиғини чиздим ва энди кейинги ўйинларга эътибор қаратишни хоҳлайман. Жамоани ўйинлардан чалғитишига ҳеч қандай йўл қўймайман. Умид қиламанки, бу содир бўлмайди. Ишончим комилки, футболчилар яхши ҳолатда бўлишади.
Клуб ишончли қўлларда ва келажаги порлоқ. Шу сабабдан ҳеч қандай энергиясиз бу ишларни қилишим адолатдан бўлмайди.
Менинг карерамга назар ташласангиз, буни имконсиз деб ўйлашингиз мумкин. Кичик клубдан Ливерпулга ўтиш - бу эртак.
Йиллар давомида биз бошқарув тизими билан ақл бовар қилмайдиган муносабатлар ўрнатдик. Раҳбарият бу қарорни шунчаки қабул қилди. Ҳеч ким бундан хурсанд эмас эди, лекин мен ҳам бахтли эмасман.
