Қутқарувчилар изсиз ғойиб бўлган Россия Мудофаа вазирлигининг Ми-8 вертолёти парчаларини топди
Сув остидан экипаж аъзоларидан бирининг жасади чиқариб олинган.
Қутқарувчилар Карелиядаги Онега кўли тубидан бир кун аввал ўқув машғулотлари чоғида ҳалокатга учраган Россия Мудофаа вазирлигининг Ми-8 вертолёти экипаж аъзоларидан бирининг жасадини топди.
“Москва вақти билан соат 21:16 да ғаввослар ҳалок бўлган экипаждан биттасини сувдан чиқариб олишди. У вертолёт ичидан топилди”, — дейилади “Вконтакте” ижтимоий тармоғидаги хабарда.
Яна икки экипаж аъзоси ҳали топилмади. Ғаввослар Москва вақти билан соат 00:00гача ишлашда давом этади, шундан сўнг улар масофадан бошқариладиган робот ёрдамида кўл тубини текширади.
Россия Фавқулодда вазиятлар вазирлиги Шимоли-Ғарбий авиация-қутқарув марказининг Ми-8 вертолёти 4 февраль куни Карелиядаги Онега кўли устида ўқув парвозини амалга ошираётганда экипажнинг уч аъзоси билан алоқани узилганини маълум қилди. Вертолётнинг қолдиқлари қирғоқдан 11 км узоқликда, унинг қисмлари эса 40-50 м чуқурликдаги кўл тубидан топилган.
Аввалроқ Россия Фавқулодда вазиятлар вазирлигининг Ми-8 вертолёти ғойиб бўлгани ҳақида хабар бергандик.
