Ўзбекистонлик беш нафар ўқитувчи Кореяга бир йилга юборилади
“Ўқитувчилар алмашинуви Корея—Ўзбекистон 2024” лойиҳаси учун педагоглар танлаб олинади.
“Ўқитувчилар алмашинуви Корея — Ўзбекистон 2024” лойиҳаси учун педагоглар танлаб олинади. Унга кўра, мазкур лойиҳада иштирок этиш учун олий маълумотли ҳамда таълим муассасасида корейс тилидан дарс берувчи ўқитувчилар ариза топшириши мумкин. Лойиҳа бўйича 5 нафар ўқитувчи танлаб олинади. Улар Кореяда 2024 йилнинг 1 мартидан 2025 йилнинг 28 февралига қадар фаолият юритади. Номзодлар учун талаблар:
-
Ўзбекистон фуқароси бўлиши;
-
Таълим муассасаларида ўқитувчи бўлиб фаолият юритиши;
-
Корейс тилини яхши билиши;
-
Корейс тилидан (ТОПИС) сертификатига, Таълим маркази ёки Кинг Сежонг институтида корейс тили курсларини тамомлаганлик сертификатлари ва бошқа сертификатларга эга бўлиши;
-
Олдинги иш жойига қайтгандан кейин камида 4 йил ишлаши (мажбурий);
-
Корея визасини олишда чекловлар бўлмаган шахслар бўлиши керак.
