Украинада Bayraktar дронларини ишлаб чиқарувчи завод қурилиши бошланди
Янги завод йилига тахминан 120 дона дрон ишлаб чиқаришни режалаштирмоқда.
Туркиянинг Baykar компанияси Украинада дрон ишлаб чиқарувчи завод қурилишини бошлади. Компания ТВ2 ёки ТВ3 русумидаги Bayraktar дронларини ишлаб чиқаради.
Бу ҳақда компания раҳбари Холуқ Байқар Саудия Арабистонидаги қурол-яроғ кўргазмаси чоғида Reuters агентлигига маълум қилди. Унинг сўзларига кўра, завод Киев яқинида қурилмоқда.
"Заводимиз қурилмоқда, уни якунлаш учун тахминан 12 ой вақт керак, кейин эса ички машиналар, ускуналар ва ташкилий тузилмага ўтамиз. Украинадаги завод катта, биз 500 га яқин одамни иш билан таъминлашни режалаштирмоқдамиз", — дея маълум қилди Байрактар Ар-Риёддаги Бутунжаҳон мудофаа кўргазмаси чоғида.
У шунингдек, самарадорлик йилига тахминан 120 донани ташкил этишини таъкидлади, аммо Украина заводида ишлаб чиқариш қайси (TB2 ёки TB3) дрон моделларига йўналтирилиши ҳали аниқ эмас.
Холуқ Байқар янги завод йилига тахминан 120 дона дрон ишлаб чиқара олишини таъкидлади.
Давом этаётган уруш билан боғлиқ хавфсизлик муаммолари завод учун хавф туғдирадими, деган саволга у иш режа бўйича «тўлиқ олға кетаётганини» ва «ҳеч нарса» уларни тўхтата олмаслигини айтди.
