Ғазода ҲАМАСга тегишли туннел топилди
У БМТ агентлиги биноси остида жойлашган.
Ғазо секторидаги БМТ агентлиги биноси остидан ҲАМАСга тегишли туннел топилди. Бу ҳақда Исроил армияси хабар бермоқда.
Қайд этилишича, туннел Бирлашган Миллатлар Ташкилотининг фаластинлик қочқинларга ёрдам кўрсатиш масалалари агентлиги (UNRWA) штаб-квартираси остидан топилган.
БМТ мазкур ҳолат юзасидан суриштирув ўтказилишини маълум қилди.
Эслатиб ўтамиз, аввалроқ бир қанча давлатлар UNRWАнинг бир нечта ходимларини ҲАМАС билан ҳамкорликда айблаб, агентликни молиялаштиришни тўхтатган эди.
