"Путинни мағлуб этиш учун европалик парламентарийлар Навалнийнинг ўзи каби инноватор бўлишлари керак"
Алексей Навалний турмуш ўртоғи Европарламентда нутқ сўзлади.
28 феврал куни россиялик мухолиф сиёсатчи Алексей Навалнийнинг беваси Юлия Навалная Европарламентнинг ялпи мажлисида сўзга чиқди.
Юлия Навалнаянинг нутқидан асосий иқтибослар:
◾️Алексейнинг жасадини хавфсизлик кучларидан олиш учун бир ҳафталик кураш кетди;
◾️Путинни мағлуб этиш учун европалик парламентарийлар Навалнийнинг ўзи каби инноватор бўлишлари керак, чунки жорий қилинган санкциялар Путинни тўхтата олмайди. Шунингдек, унинг атрофидагиларга қарши тергов ўтказиш керак;
◾️Путин билан музокара қиладиган ҳеч нарса йўқ. Уни принципиал ёки ахлоқли одам сифатида қабул қилиб бўлмайди, у "қонхўр йиртқич", "жиноий гуруҳ раҳбари";
◾️Европа Иттифоқи Россия Федерациясининг амалдаги ҳукуматига қарши чиққан оддий фуқароларни таъқиб қилмаслиги керак, аксинча, улар билан ҳамкорлик қилиш керак;
◾️Алексей Навалнийнинг келажакдаги гўзал Россия ҳақидаги орзусини рўёбга чиқариш учун қўлимдан келган барча ишни қилишга ваъда бераман.
