Туркиянинг "Dörtyol" терминали Россия нефти билан операцияларни тўхтатди
Ғарб санкциялари киритилгандан кейин Туркия Россия нефтининг энг йирик импортчиларидан бирига айланди. Бироқ АҚШ босими туфайли Россия нефтини қабул қилиш ва юклашни рад этиш тўғрисида қарор қабул қилинди.
Терминални бошқараётган компания феврал ойи охирида мижозларга Россия нефти билан боғлиқ барча операцияларни тўхтатаётгани ва қонунлар бузилмаган тақдирда ҳам Россиядан юкларни қабул қилмаслиги ҳақида хабар берган эди.
2023 йил охирида "Dörtyol" терминали 11,74 миллион баррел Россия нефтини қабул қилган, бу 2021 йилдаги барча юк жўнатувларининг умумий ҳажмидан етти баравар кўп демакдир.
Кpler таҳлилий компанияси маълумотларига кўра, Россиянинг сўнгги танкери 19 феврал куни "Dörtyol" терминалига 511 минг баррел дизел ёқилғиси етказиб берган. Шу билан бирга, "Dörtyol" тақиқ жорий этилгунга қадар декларация қилинган Россия юкларини қабул қилишни давом эттиради, дея аниқлик киритмоқда компания.
