Дэвид Кэмерон Марказий Осиёга ташриф режалаштирмоқда
Бу ҳақида у парламент муҳокамаларида гапирди.
«Марказий Осиё – биз кўпроқ ишламоқчи бўлган йўналишлардан бири», —деди Буюк Британия Ташқи ишлар вазири Девид Кемерон. Аввалроқ МО ва Буюк Британия ўртасида C5+1 форматидаги саммит ўтказилиши мумкинлиги хабар қилинганди.
«Биз бутун дунё бўйлаб иттифоқ ва шериклик тармоғимизни мустаҳкамлаш тарафдоримиз. Марказий Осиё – биз кўпроқ ишламоқчи бўлган йўналишлардан бири. Мен у ерга боришни режалаштирмоқдаман. У ерда биз ҳамкорлик қилишимиз керак бўлган соҳаларни биладиган барча билан давра суҳбати ўтказаман», деди Кэмерон.
Эслатиб ўтамиз, 2023 йил декабр ойида Буюк Британия ҳукуматининг Марказий Осиё давлатларидан келган ҳамкасблари билан 2024 йилда С5+1 форматида саммит ўтказиши режалаштирилгани маълум қилинган эди. Британия парламентига тақдим этилган ҳисоботда муаллифлар британиялик вазирларнинг Ўзбекистон, Қозоғистон, Қирғизистон, Тожикистон ва Туркманистон ҳукуматлари билан самарасиз ҳамкорлигини танқид қилган, шунингдек, минтақада Россия ва Хитойнинг таъсирига фаолроқ қарши туришга чақирган.
