Хитойда олти қисмга бўлинадиган ҳарбий дрон яратилди
У оддий дронларга қараганда самаралироқ экани айтилмоқда.
Хитойлик олимлар ҳавода олтита алоҳида қисмга бўлинадиган ҳарбий дронни яратди.
Нанкин аэронавтика ва космонавтика университети олимларининг таъкидлашича, янги қурилмалар анъанавий кўп роторли дронларга қараганда тезроқ ва самаралироқ ҳамда жанг майдонида кутилмаганда катта гуруҳларга бўлиниб, рақибларни чалғитиш қобилиятига эга.
Бу дронлар бир-бирига боғланган ва ажратилган фақат битта пичоққа эга бўлиб, уларнинг дизайни чинор уруғларининг тузилишидан илҳомланган. Улар оддий дронлар каби бемалол уча олади ва мураккаб топшириқларни бажаради.
Ғайриоддий шаклига қарамай, улар худди шундай ўлчамдаги кўп роторли дронларга қараганда деярли икки баравар парвоз самарадорлигига эга.
