Францияда официантлар пойгаси ўтказилди
Ҳомийлар пойга учун 100 минг евро ажратишди.
24 март куни узоқ йиллик танаффусдан сўнг илк марта Париж шаҳрида официантлар ўртасида мусобақа бўлиб ўтди. Унда 200 га яқин эркак ва аёл қатнашди.
Пойга шартларига кўра, иштирокчилар бир стакан сув ва часка қўйилган патнисни йиқитиб юбормаган ҳолда 2 километр масофани босиб ўтишлари керак. Пойгада югуриш мумкин эмас, бироқ тез юришга рухсат этилади.
Маълумот учун, ушбу тадбир 1914 йилдан буён ўтказиб келинади. Бир неча ўн йиллар давомида ушбу танловга Париж газеталаридан бири ҳомийлик қилган. Анъана 2012 йилда маблағ етишмаслиги туфайли тўхтатилган.
Бу йил Париж мерияси ва шаҳар сув бошқармаси кўмагида мусобақа қайта тикланди. Улар пойга учун 100 минг евро ажратишди.
Тадбир якунида ғолибларга гастрономик экскурциялар ва Париждаги Олимпиаданинг очилиш маросимига йўлланмалар топширилган.
