Исроил Эрондаги объектга ракета ҳужуми уюштирди
Ҳужум ортидан Эрон айрим аэропортлар фаолиятини чеклади.
Эрон ОАВларининг ёзишича, Исфаҳон аэропорти яқинида портлашлар содир бўлган.
Fars ахборот агентлиги маълумотларига кўра, портлаш овозлари Исфаҳон аэропорти ва 8-Ҳарбий-ҳаво кучлари базаси яқинида эшитилган.
"Эрон ҳаво ҳужумидан мудофаа кучлари Исфаҳон шаҳри ва яна бир қанча провинциялар осмонида иш олиб бормоқда", — деб ёзади Mehr агентлиги.
Aгентликнинг қўшимча қилишича, Теҳрон, Исфахон ва Шероз аэропортлари, шунингдек, мамлакат ғарби, шимоли-ғарби ва жануби-ғарбидаги аэропортлар фаолияти вақтинчалик тўхтатилган.
CNN'га кўра, Исроилнинг зарбаси ҳақидаги хабарлар ортидан Эрон ҳаво ҳудудидаги камида саккизта рейс ўз йўналишини ўзгартирди.
