"Интер" А Cериянинг навбатдаги чемпиони

 

Бир неча ой олдин "Интер" жуда аламли вазиятга тушиб қолди. Жамоа Чемпионлар лигасида «Атлетико»га ютқазди ва мавсум март ойи бошида якунига етди. Шунингдек, А Cериядаги барча масалалар анчадан бери ёпилган ва "Интер" 2023 йилнинг декабрида Кубокдан чиқиб кетганди. Индзаги жамоаси ўзининг улкан кучи, мослашувчанлиги ва жамоавий ишлаши билан мавсум тугашига уч ой қолганида қайта ўрнидан турди.

 

Катта жамоа катта вазифаларсиз мавжуд бўлмайди. "Интер" жуда катта жамоа. Миланликлар Жозе Моуриньонинг "олтин" давридан бери бу даражага чиқа олмаган. Ҳозирги "Интер" кўзни қувонтиради. Агар Жозе жамоаси натижаларни сиқиб чиқарган бўлса, Индзаги жамоаси футбол ўйнайди. Ва айни пайтда ижобий натижаларга эришади.

 

Бироқ, муҳим бир "лекин" бор. Моуриньо бошчилигидаги "Интер" барча турнирларда якуний мақсадига етди. Бу жамоа якуний натижага эришди. Индзаги бошчилигидаги "Интер" эса ёрқин ўйинлари билан ажралиб турди. Чемпионлар лигасидан эрта чиқиб кетиш фонида А Серияда ғалаба қозониш имконияти кичик нарсадек кўринарди. Аммо, жамоа барчасини уддалади ва мухлисларини яна бир бор хурсанд қилишга эришди. "Интер" ўтган мавсумда Чемпионлар Лигасининг таъмини олганди. Жамоа чемпионликка бир қадам қолган эди. Ва энди янада кучлироқ бўлиб қайтишни хоҳлайди. "Интер" кейинги мавсумда катта мақсадларни орзу қилмоқда. Индзаги қолади, Меҳди Тареми ва Пиотр Зиелински келиши кутилмоқда. Балки, бошқа янги ўйинчилар пайдо бўлар. Аммо ҳозирги жамоа - кучга тўла ва, кўриниб турибдики, заиф томонлари йўқ. Симоне Индзаги жуда мослашувчан, бошқариладиган ва ажойиб жамоани яратди. Бу жамоа А Серияда 100 дан ортиқ очко тўплаши мумкин.