Қозоғистон собиқ ички ишлар вазири қўлга олинди
У 2022 йил январидаги воқеалар муносабати билан мансаб ваколатини суиистеъмол қилиш моддаси бўйича қўзғатилган жиноят иши доирасида ушланган.
Республика Бош прокуратураси, Ички ишлар вазирлиги ва Коррупцияга қарши кураш агентлиги бу борадаги сўровга жавоб бермаган. Турғумбоев қўлга олинганини бир нечта манбалар тасдиқлайди. 20 март куни у прокуратура томонидан сўроқ қилинганди.
Шанхай ҳамкорлик ташкилотининг минтақавий аксилтеррор тузилмасида аккредитацияни тугатгандан сўнг, у Остонага қайтиб келган ва жиноий иш айбланувчисига айланган.
Маълумот ўрнида: Ерлан Турғумбоев 2019 йилдан буён Ички ишлар вазирлигини бошқариб келган ва 2022 йил февралидаги январь воқеаларидан кейин лавозимидан озод этилган. Шундан сўнг у қарийб олти ой президент маслаҳатчиси бўлган, 2023 йилда эса Шанхай ҳамкорлик ташкилоти Минтақавий аксилтеррор тузилмаси маслаҳатчиси этиб тайинланганди.
