Ҳиндистонда 35 киши Украинадаги урушга ёлланди
Ҳозирда уларни урушга жўнатган 4 нафар шахс ушланган.
Ёлланганларга юқори маош ва Россия фуқаролиги ваъда қилинган. Шунингдек, уларга жанг қилиш шарт эмаслиги айтилган. Бироқ аслида улар пулемётлардан фойдаланишга ўргатилган ва фронтга юборилган.
Ҳинд ҳуқуқ-тартибот идоралари вакилларининг маълум қилишича, қўлга олинганлар халқаро одам савдоси тармоғининг бир қисмидир. Ҳозирда тергов давом этмоқда.
Reuters агентлигининг ёзишича, Ҳиндистон Ташқи ишлар вазирлиги Россия томонига бу масалани ҳал қилиш бўйича қатъий талаб қўйган. Аввалроқ Ҳиндистон ТИВ Россия армияси сафида бўлган 20 га яқин ҳиндистонликларни ўз ватанларига қайтариш устида иш олиб бораётгани ҳақида хабар берган эди.
