Чемпионлар лигасида энг кўп ғалабага эга клублар
Улар орасида биринчи ўринда Мадрид жамоаси турибди.
Европа Чемпионлар лигаси финал босқичига қадам қўйди, демак, энди ҳар қандай ғалаба олтинга тенг. Трансфермаркт 21-аср давомида турнирда ғалаба қозонган ўйинлар сони бўйича энг яхши клублар рўйхатини тузиб чиқди. Хўш қайси жамоалар кучли бешликка кирган?
"Челси"
21-асрда "Челси" Чемпионлар лигасида 183 та ўйин ўтказган ва 95 та баҳсда ғалабага эришган. Лондонликлар уч марта (2008, 2012, 2021) Европанинг асосий турнири финалига чиқишган ва икки марта (2012, 2021) кубокни қўлга киритишга муваффақ бўлишган.
"Манчестер Юнайтед"
"Манчестер Юнайтед" Чемпионлар лигасида 187 та ўйинда 97 та ғалабани қўлга киритган. “Қизил Иблислар” атиги бир марта (2008) турнир чемпионлигини қўлга киритган.
"Барселона"
"Барселона" ХХI асрда Чемпионлар лигасининг 237 та ўйинида қатнашган ва 143 та ғалабага эришган. Каталонияликлар бу орада 4 марта Чемпионлар лигасида ғолиб чиқишган.
"Бавария"
"Бавария" 240 учрашувда 151 та ғалабани қайд этган. Мюнхенликлар 21-асрда учта Чемпионлар лигаси совринини қўлга киритди.
"Реал Мадрид"
Мадридликлар ХХI асрда 7 та Чемпионлар лигаси финалида (2000, 2002, 2014, 2016, 2017, 2018, 2022) иштирок этган ва уларнинг барчасида ғалаба қозонган. Бу вақт ичида мадридликлар 263 ўйин ўтказиб, 159 та учрашувда ғалабани ўзлариники қилишган.
