Икки қадам "Сити"ни чемпионликда айириб турибди

 

"Манчестер Сити" яна бир чемпионлик сари интилмоқда. Гвардиола жамоаси сафарда "Фулхем" устидан қозонилган ғалабадан кейин биринчи ўринга кўтарилди. Учрашув тўлиқ Гвардиола шогирдларининг устунлигида ўтди.

 

Ўйин бошидаёқ "Сити" ҳисобни очди. Гвардиол тўпн жарима майдончаси олдида қабул қилиб олди ва Де Брюйне билан пас ўйнади. Кейин эса бир-икки дриблинг ҳаракатларини амалга оширди ва тахминан жарима нуқтасидан зарба берди. Камдан-кам жамоа ҳимоячиларни бунчалик маҳорат билан ҳужумни якунлаши мумкин. Де Брюйненинг голли узатмасига келсак, бу унинг Премьер-лигадаги 111-ассистидир. Шу тариқа у борадаги кўрсаткичини янада яхшилаб олди.

 

Ўйин шу тарзда ривожланди, муваффақиятсиз ҳужумлардан кейин ҳам "Сити" дарҳол тўпни қайтариб олди. "Фулхем" эса бутун ўйин давомида фақат битта зарбага эга бўлди. Асосий вўлим тугашига қадар "Сити" яна икки бор гол урди. Фоден ва Гвардиол ўйиндаги навбатдаги голларга муаллифлик қилишди. Қолаверса, бу ҳимоячининг бир ой ичида киритган тўртинчи голи бўлди. Гвардиол "Лутон" ва "Реал"га ҳам гол урганди. Қўшиб берилган вақтда Алварес пенальтини ишлаб, ўзи амалга оширди ва "Сити"нинг тўртинчи голини уриб, ҳисобни йирик кўринишга келтирди.

 

"Сити"нинг Премьер-лигада яна иккита ўйини бор. Икки ғалаба жамоага чемпионликни кафолатлайди. Англия чемпионатлари тарихида ҳали ҳеч ким кетма-кет тўрт марта олий лигада ғалаба қозона олмаган. Бунга "Ҳадерсфилд", "Арсенал", "Ливерпул" ва "Манчестер Юнайтед" уч марта эришган. Жорий мавсум якунида "Сити" сафарда "Тоттенҳем" билан, ўз майдонида “Вест Хем” билан ўйнайди. Лондоннинг иккала жамоаси ҳам айни вақтда ёмон ҳолатда. Ваҳоланки, Гвардиола жамоаси АПЛда 2018 йилдан буён ҳар сафар меҳмонда "Тоттенҳем"га мағлуб бўлмоқда.