Россия Украинанинг ҳарбий аэродромига ҳужум қилди
У ерда муҳим ҳарбий амалдорлар гуруҳи нишонга олинган.
Россия Қуролли кучлари 12 май куни Украинанинг Полтава вилояти Миргород шаҳридаги ҳарбий аэродромга ракета зарбаси берди.
Зарбадан сўнг маҳаллий аҳоли кучли портлаш тўлқинини эшитган. Шундан сўнг аэродром ва унинг атрофидаги ҳудуд ҳарбийлар томонидан бутунлай тўсиб қўйилган ва у ерга кўплаб тез ёрдам машиналари йўналтирилган.
“Дастлабки маълумотларга кўра, у ерда муҳим ҳарбий амалдорлар гуруҳи нишонга олинган”, - дейилади хабарда.
Мудофаа вазирлиги хабарига кўра, ушбу аэродромдан Россиянинг Белгород вилоятига зарбалар бериш учун фойдаланилган. Якшанба куни Украина снаряди Белгороддагиа 10 қаватли турар жой биносига теккан эди ва у ерда 15 киши қурбон бўлган эди.
