"Ювентус"га янги бош мураббий тайинланди
У аввал ҳам Италия клубини бошқарган.
"Болонья" бош мураббийи Тиаго Мотта янги мавсумда "Ювентус"ни бошқаради.
Инсайдер Фабрисио Романо хабарига кўра, Турин клуби ва Мотта ўртасида 2027 йилга қадар шартнома имзоланган. "Юве" Аллегри билан хайрлашганини эълон қилган ва тез орада янги мураббийни таништиради.
"Ювентус" клуби раҳбарияти Тиаго Мотта билан олиб борилган 6 ойлик музокаралардан кейин келишувга эришган. 41 ёшли мутахассис "Болонья"ни бу ҳақда хабардор қилган ва у мавсум якунида клубни тарк этади. Қайд этилишича, Моттанинг йиллик маоши 5 миллион еврони ташкил қилади.
Бразилияда туғилган ва Италия фуқаролигини олган мураббий ўтган 5 йил давомида "Женоа", "Специя" ва "Болонья" клубларини бошқарди.
