Хави ишдан кетди
"Барса" мураббийнинг ишдан бўшатилганини расман эълон қилди.
"Барселона" матбуот хизмати жорий мавсум якунидан бошлаб Хави Каталония клуби бош мураббийи лавозимидан бўшатилганини расман эълон қилди.
"Барселона" президенти Жоан Лапорта бугун Хави Эрнандесга 2024/2025 йилги мавсумда асосий жамоа мураббийи сифатида ишламаслигини эълон қилди. Бугун йиғилиш бўлиб ўтди, унда спорт бўйича висе-президент Рафа Юсте ва спорт директори Деко, шунингдек, Хавининг ёрдамчилари Оскар Эрнандес ва Серхио Алегрелар иштирок этишди.
"Клуб Хавига футболчи ва жамоа сардори сифатидаги мисли кўрилмаган карьерасини тўлдирадиган мураббийлик фаолияти учун миннатдорчилик билдиради ва унга омад тилайди. "Барселона" яқин кунларда янги таркибни эълон қилади", - дейилади клуб расмий сайтида.
