"Уларнинг қандай имкониятларга эга эканлигини жуда яхши биламиз"
"Реал" бош мураббийи Чемпионлар лигаси финали ҳақида гапирди
Мадриднинг "Реал" клуби бош мураббийи Карло Анчелотти 2023/2024 йилги Европа Чемпионлар Лигаси финали олдидан “Боруссия Дортмунд” ҳақида ўз фикрлари билан ўртоқлашди.
"Биз "Боруссия Дортмунд" қандай имкониятларга эга эканлигини жуда яхши биламиз, уларда тажриба бор ва кучли жамоа. Биз ҳали ҳаммасини тугатмадик, таътилда эмасмиз. Ўйиннинг барча жабҳаларига тайёр туришимизни истардим. Улар кучли ҳимоя чизиғига эга. Бу эса рақобатбардош ўйин бўлишидан дарак беради", - деди Анчелотти.
Эслатиб ўтамиз, Испания гранди UEFА Чемпионлар лигаси финалида Дортмунднинг "Боруссия"си билан ўйнайди. Учрашув 1 июнь куни Лондонда бўлиб ўтади.
