Ғиждувонликлар учун 650 ўринли замонавий шифохона қурилади
Мутасаддиларга бу бўйича топшириқ берилди.
Бухоро вилоятида Президент Шавкат Мирзиёев раислигида ўтаётган видеоселектор йиғилишида ижтимоий соҳа билан боғлиқ масалалар муҳокама қилинар экан, Ғиждувон аҳолиси учун 650 ўринли замонавий шифохона қурилиши эълон қилинди.
Мутасаддиларга лойиҳа ҳужжатларини ишлаб чиқиб, келгуси йил инвестиция дастурига киритиш топширилди.
Умуман, йиғилишда Ғиждувонни ўзида 25 минг иш ўрни, қўшимча 50 миллион доллар экспорт ва бюджетга 100 миллиард сўмлик тушум бўйича имкониятлар кўрсатиб ўтилди.
Йиғилишда муҳокама қилинган масалалар юзасидан вилоят ва тармоқ раҳбарларининг ахбороти тингланди.
