Мексикада 155 киши иссиқдан вафот этди
Яқин кунларда мамлакатда ҳаддан ташқари юқори ҳарорат кузатилади.

Жорий йил март ойидан бери Мексикада жазирама иссиқ туфайли 155 киши вафот этди. Бу ҳақида соғлиқни сақлаш вазирлиги томонидан эълон қилинган ҳафталик ҳисоботда маълум қилинди.
Мексика кўрфази соҳилидаги Веракрус штати ўлимлар сони бўйича етакчилар қаторидан жой олишда давом этмоқда. Бу ерда 56 киши ҳалок бўлди. Ўлим кўрсаткичи бўйича ундан кейинги ўринда Табаско штати бормоқда. У ерда 18 киши ҳаётдан кўз юмди.
ССВ яқин кунларда мамлакатда ҳаддан ташқари юқори ҳарорат тўлқини давом этишини башорат қилмоқда.







