"Олтин тўп"ни ким олади?
Баҳслар қизғин тус олмоқда.
Европа чемпионати ва Америка кубоги ўз якунига етди. Йилнинг қолган қисмидаги асосий интрига “Олтин тўп”ни ким қўлга киритиши устида кечса ажаб эмас. Маросим октябрь ойи охирида Парижда бўлиб ўтади.
"Goal.com" хабарига кўра, "Олтин тўп"га асосий даъвогар "Манчестер Сити" ярим ҳимоячиси Родри ҳисобланади. Ўтган мавсумда у клуб билан Англия чемпионати, клублар ўртасидаги жаҳон чемпионати ва УЭФА Суперкубогида ғолиб чиқди. Ва бир неча кун олдин Европа чемпионатида олтин медаль ва турнирнинг энг яхши футболчиси унвонига эга бўлди.
Родри дунёнинг энг яхши ярим ҳимоячиси бўлиб қолмоқда. У Евро-2024 финалининг иккинчи ярмини ўтказиб юборди, аммо бошқа ўйинлардаги ўйини унга турнирнинг энг яхши футболчиси бўлишга имкон берди. Бу "Олтин тўп" учун даъвогарлар рўйхатида етакчи бўлиш учун етарли бўлиши мумкин.
Иккинчи поғонасида "Реал Мадрид" ҳужумчиси Винициус Жуниор жойлашган. Бразилиялик футболчи ўзининг жисмоний ҳолати билан боғлиқ муаммоларини ҳал қилганида, мукаммал ўйин кўрсатди. "Барса" билан Суперкубок финалида хет-трик, Ла Лигадаги сермаҳсул ўйин, Чемпионлар лигасининг ҳал қилувчи ўйинларидаги ажойиб ўйинлари. Бироқ, бу ёзда ишлар режадагидек бўлмади. Винициус Америка кубоги гуруҳ босқичида Парагвайга қарши ўйинда икки марта гол урди, кейин чорак финалга йўлланма олди. Натижада, жамоаси бу босқичда пенальтилар церийасида мағлубиятга учради.
Кучли учликни Жуде Беллингҳам якунлаб беради. Қайд этишилича, Европа чемпионатидаги ғалаба англияликни соврин учун асосий даъвогарга айлантирарди. Жуде 2023/2024 йилги мавсумнинг биринчи ярмининг энг яхши футболчиси. У муҳим учрашувларда гол урди. Инглиз футболчиси атрофидаги шов-шув 2024 йил бошида бироз пасайди, қисман Жуде жароҳат ва дисквалификасия туфайли ўйинларни ўтказиб юборди. Бироқ, у мавсум якунида ажойиб ўйини билан "Олтин тўп"га асосий даъвогар эканини тасдиқлади. Жуде "Манчестер Сити"ни Чемпионлар лигасидан чиқариб юборишга ёрдам берди. У Еврода иккита муҳим гол урди. Финалдаги ғалаба, албатта, Жудени ўзининг биринчи "Олтин тўп"ига олиб борарди, аммо бу содир бўлмади.
Рейтингнинг кучли бешлигидан Европа чемпиони Дани Карвахал ва Америка кубоги тўпурари Лаутаро Мартинес ҳам бор. Тони Кроос, Килиан Мбаппе, Ҳарри Кейн, Фил Фоден ва Нико Уилямс кучли ўнталикдан жой олган. Рўйхатда Месси 16-ўринда, Криштиану Роналду эса кучли йигирматаликка ҳам киритилмаган.
Бир қатор мутахассислар Винициусни “Олтин тўп”га асосий даъвогар деб билишади. Ундан кейин иккинчи ўринда Родри, учинчи ўринда Беллингемни қайд этишган. Топ-5ликка Карвахал ва Ламин Ямал кирган. Месси олтинчи ўринда жойлашган.
