1 млрд сўмлик синтетик гиёҳванд моддаларни сақлаб келган шахс қўлга олинди
22 ёшли шахс мазкур синтетик воситани бўлакларга бўлиб, контактсиз манзил (“закладка”) орқали сотишни режалаштирган.
Тошкент вилояти ИИББ ва ДХХ ходимлари томонидан ўтказилган тезкор тадбирда 1 миллиард сўмлик синтетик гиёҳвандлик воситасини тарқатиш (сотиш) мақсадида сақлаб келаётган шахс қўлга олинди.
2002 йилда туғилган шахс (А.т.) ўзининг Tracker автомашинасида оғирлиги 1 кг 433 гр бўлган “мефедрон” синтетик гиёҳвандлик воситасини сотиш мақсадида сақлаб келаётгани аниқланиб, далилий ашё билан ушланди.
Ҳолат юзасидан Жиноят кодекси 273-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) 5-қисми билан жиноят иши қўзғатилган.
