Тошкент аэропортида 1000 дан ортиқ қути тамаки тўхтатиб қолинди
Ҳозирда ҳолат юзасидан суриштирув олиб борилмоқда.
Кеча,15 август куни соат 04:50 ларда Тошкент халқаро аэропорти чегара-божхона пости ходимлари томонидан “Пекин-Тошкент” йўналиши бўйича учиб келган хорижлик фуқаронинг 2 дона қора ва 1 дона қизил рангли йўл сумкалари тегишли тартибда текширилган.
Юклар ичидан божхона назорати учун белгиланган тартибда тақдим этилмаган, оғзаки сўровда айтилмаган, жисмоний шахслар томонидан тамаки маҳсулотларини олиб кириш меъёридан ортиқча бўлган, умумий қиймати 31 млн 20 минг сўм бўлган жами 1 070 қутида 4 турдаги тамаки маҳсулотлари борлиги аниқланган.
Ҳолат юзасидан суриштирув ҳаракатлари олиб борилмоқда.
