Ҳиндистонлик жарроҳ беморни YouTube дарси орқали операция қилди
Бироқ бемор нотўғри амалиёт сабаб вафот этган.
15 ёшли ўсмирнинг оиласи ўғли қусиш ва қориндаги кучли оғриқлар шикояти билан касалхонага ётқизилганини айтди. Уларнинг сўзларига кўра, шифокор операцияни YouTubeʼдаги видеодарслик ёрдамида амалга оширган. Операция вақтида боланинг юраги тўхтаб қолган ва уни зудлик билан бошқа шифохонага олиб кетишган, бироқ уни сақлаб қолишнинг иложи бўлмаган.
Боланинг қариндошлари шифокорни бепарволикда айбламоқда. Ҳозирда тегишли органлар ҳодиса сабабларини аниқлаш ва айбдорларни жавобгарликка тортиш учун тергов ишларини бошлаб юборган.
