0
Сирдарёлик Паралимпия ўйинлари совриндори тантанали кутиб олинди
Спортчи марказий кўчалар бўйлаб кортежда ҳаракатланиб, олқишлар остида кузатиб борилди.
Парижда бўлиб ўтган ХVII ёзги Паралимпия ўйинларида пара ўқ отиш бўйича кумуш медални қўлга киритган Сервер Ибрагимов Сирдарёда тантанали равишда кутиб олинди. Спортчи Гулистон шаҳри марказий кўчалари бўйлаб кортежда ҳаракатланиб, минглаб спорт мухлислари ва ватандошларимиз олқишлари остида кузатиб борилди.
"Юрт байроғи" майдонида кенг жамоатчилик вакиллари иштирокида тантанали тадбир ўтказилди. Унда вилоят ҳокими Акмалжон Махмудалиев сўзга чиқиб, Сервер Ибрагимовни ушбу мувофаққият билан табриклади. У каби матонат эгалари ёш авлод вакилларига намуна эканликлари билдирилди.
