“Байер” учун муҳим баҳс, янгиланган “Юве” ва Лондон дербиси
Дам олиш кунлари мухлисларни қандай муҳим ўйинлар кутмоқда
Европа клублари футболи қисқа танаффусдан сўнг яна қайтмоқда. Бизни олдинда кўплаб қизиқарли ўйинлар кутмоқда. Бугун биз дам олиш кунларининг энг яхши учрашувларини эътиборингиз тақдим этишни лозим топдик.
Лондон дербиси қандай якунланади?
Премьер-лиганинг асосий ўйини Лондонда бўлиб ўтади. "Тоттенҳем" ўз майдонида "Арсенал"ни қабул қилади. "Тоттенҳем" кетма-кет тўртта ўйиндан бери "Арсенал"ни мағлуб эта олмаяпти. Афтидан, Микел Артета шогирдлари энди ҳам мағлубиятга учраши қийин. Ёки "шпорлар" мухлислари учун совға тайёрлашганми? "Тоттенҳем" ва "Арсенал" ўртасидаги ўйин дам олиш кунларининг энг муҳим воқеаси бўлиши аниқ.
"Соседад" "Реал Мадрид"нинг мавсумдаги илк мағлубиятига сабабчи бўладими?
"Реал Мадрид" мавсум бошидан бери яхши футбол кўрсатмаяпти. Жамоа бунгача икки марта очко йўқотди: "Малёрка" (1:1) ва "Лас-Пальмас" (1:1). Уларни олдинда Сан-Себастянга қийин саёҳат кутмоқда. "Реал Соседад" тўрт турда атиги тўрт очко тўплашди. Лекин "Соседад" ўз уйида гигантлар билан қандай ўйнашни яхши билади.
"Барселона" хунук анъанага нуқта қўядими?
"Барселона" мавсумни яхши бошлади. Тўрт турда жамоа тўртта ғалаба билан жадвалда биринчи ўринни эгаллаб турибди. Навбатдаги турда каталонияликлар уч ўйиндан бери мағлуб бўлмаган "Жирона" билан куч синашади. Жироналиклар яна "Барса"ни тўхтата оладими? Ёки каталонияликлар Испания чемпионатида ишончли одимлашда давом этадими?
Арне Слоттнинг "Ливерпул"даги фоалияти омадли бошланмоқда
"Ливерпул"даги Арне Слот даври Премьер-лигада кетма-кет учта ғалаба билан бошланди. Жамоа 4-турда ўз майдонида "Ноттингем Форест"ни қабул қилади. "Ливерпул" учун энг қийин рақиб эмас. Бироқ, "Ноттингем Форест" бу мавсумни иккита дуранг ва битта ғалаба билан бошлади. Демак, бу ўйинда интрига учун умид бор.
"Байер" учун муҳим ўйин
"Байер" 2022/2023 йилги мавсумдан кейин илк бор Бундеслиганинг сўнгги турида мағлуб бўлди. Хамес шогирдлари ўз майдонида "Лейпциг"га имкониятни бой беришди (2:3). Леверкузенликлар бундай ҳис-туйғуларни бошдан кечирганига анча бўлганди. Энди эса "Байер" "Хоффенхайм"га қарши баҳс олиб боради. Мағлубият собиқ чемпионларга қандай таъсир қилганини мазкур ўйин орқали билиб олишимиз мумкин.
"Сити" ҳам мавсумни омадли давом эттирмоқда
"Манчестер Сити" мавсум бошида учта ғалабага эришди. Пеп Гвардиола жамоаси "Брентфорд"га қарши уй учрашувда ҳам бу анъанани давом эттириши мумкин.
Янгиланган "Юве" учун янги синов
Тиаго Мотта ҳозирча "Ювентус"нинг ўйинидан рози. Туринлик мухлислар Макс Аллегрининг "бўғиқ" футболидан сўнг тоза ҳаводан нафас олишмоқда. "Юве" сўнгги турда очко йўқотди, аммо барибир А Cериядаги пешқадамликни қўлдан чиқармади. Кейинги ўйинда туринликлар сафарда "Эмполи"га қарши ўйнайди. Бу клуб уч турда беш очко жамғариб, мавсумни яхши бошлади. Демак, "Ювентус"ни катта синов кутиб турибди.
