Бугун Ўзбекистонда футзал бўйича жаҳон чемпионати бошланади
Кун дастурида 4 та ўйин бўлиб ўтади.
Бугун, Ўзбекистонда футзал бўйича Жаҳон чемпионати старт олади. Кун дастурида 4 та ўйин бўлиб ўтади. Бухоро шаҳрида Хорватия-Таиланд ва Бразилия-Куба ўйинлари ўтказилса, Тошкент шаҳри Парагвай-Коста-Рика ҳамда Ўзбекистон-Нидерландия баҳсларига мезбонлик қилади.
Ўзбекистон-Нидерландия ўртасидаги учрашув 20:00 да бошланади. Қайд этиш жоиз, Ўзбекистон тарихда биринчи марта ФИФА таснифидаги турнирга мезбонлик қилмоқда. Ўзбекистон футзал терма жамоаси эса 2 марта жаҳон чемпионатида иштирок этади.
Маълумот учун, жаҳон чемпионати 6 октябрга қадар давом этади. Тошкент ва Бухоро шаҳридан ташқари Андижон шаҳрида ўйинлар ташкил этилади.
