Слотнинг Ливерпулдаги ғалабали юриши тугади

 

"Ливерпул" янги бош мураббий Арн Слот қўл остида биринчи марта мағлуб бўлди ва унинг қўл остида илк бор гол ўтказиб юборди. 72-дақиқада Хадсон-Одои жарима майдончаси четидан ажойиб зарба йўллади. Тўп дарвозанинг узоқ бурчагига бориб тушди.

 

Гарчи ўйин нуқтаи назаридан "Ливерпул" яхшироқ ўйнади ва хавфлироқ вазиятларни яратди. Масалан, зарбалар бўйича ҳисобда мезбонларнинг яққол устунлиги сезилди.

 

Нуно Эспирито Санту шогирдлари рақиб дарвозасига яқин жойда прессинг қилиб, буни ишончли тарзда уддалашди. "Ливерпул" қарши ҳужумларни яхши кўради, аммо бу ҳолатда деярли барча имкониятлар доим йўққа чиқарилди. Бундан ташқари "Ливерпул"нинг ҳужум чизиғида муаммолар юзага келди. Учрашув якунланишига оз қолган вақтда "Ливерпул" ҳужумларни янада кучайтирди. Натижада Нунес ҳужум қилинаётган вақтда тўпни йўқотди ва меҳмонларнинг қарши ҳужуми Эланганинг совуқ пасидан сўнг, Хадсон-Одоининг голи билан якунланди.

 

Шундан сўнг, Слот дарҳол Конатени майдондан олиб ташлади ва учта ҳимоячи билан ўйнашни бошлади. Рақиб жамоа дарвозаси томон босим янада кучайди, аммо бу дуранг учун ҳам етарли бўлмади. "Ливерпул"нинг энг яхши имконияти 17-дақиқада, Луис Диаз тўпни яқин устунга йўллагани бўлди. Агар тўп бироз ўнгга кетганида, эҳтимол, "Ливерпул" учун ўйин осонроқ ўтарди. Колумбиялик футболчи мавсум бошида ажойиб спорт формасида эканлигини кўрсатди, аммо бу сафар атиги 60 дақиқа ўйнади. Балки, унинг алмаштирилиши ўйин савияси билан эмас, балки терма жамоадаги учрашув ва чарчоқлар билан боғлиқ бўлиши мумкин.

 

"Ливерпул" тўрт турдан кейин 9 очко жамғаришга эришди. "Сити" параллель ўйинда "Брентфорд" устидан иродали ғалаба қозонди. Шу тариқа манчестерликлар "Ливерпул"дан уч очко олдинга ўтиб кетди.