Варан 31 ёшида футболчилик фаолиятини якунлади

 

Рафаэл Варан "Реал"ни тарк этаётганда атиги 28 ёшда эди. Унинг Серхио Рамос билан бирга ҳимоя чизиғидаги ўйини жамоасига кўплаб совринларни келтирди. Ўша вақтда франциялик футболчининг шартномаси якунига етаётган эди. "Реал"га Варан керак бўлса, у билан албатта келишувга эришарди. Бироқ, Мадрид жамоаси 40 миллион евро эвазига Варанни "Манчестер Юнейтед"га сотиб юборади.

 

Шундан сўнг орадан уч йил ўтди ва француз футболчиси фаолиятини якунлаганини эълон қилди. У Чемпионлар лигасининг тўрт карра ғолиби, жаҳон чемпиони ва сайёрамизнинг энг яхши ҳимоячиларидан бири сифатида "Юнайтед"га кўчиб ўтганди. Варан айни пайтда бор-йўғи 31 ёшда. "Комо"даги дебют ўйинида яна жароҳат олганидан сўнг у барчасига тан берди.

 

Агар Варан "Реал"ни тарк этмаганида унинг фаолияти қандай кечган бўларди. Афсуски бу жумбоқлигича қоладиган бўлди. "Манчестер Юнайтед"га ўтишдан олдин Ла Лиганинг кетма-кет уч мавсумида камида 30 та ўйинда майдонга тушди. Премьер-лигада уч мавсум давомида у 24 ўйинда иштирок этди. Ўтган мавсумни ҳисобга олсак, Рафаэл жамоанинг барча муаммоларига қарамай, "Юнайтед"да сифатни таъминлади. Ўзининг ноёб мослашувчанлиги туфайли у Магуайр, Линделоф ва Мартинес билан тушуниб ҳаракат қилди. Аммо жароҳатлар унинг спорт формасига салбий таъсир кўрсатди. Балки, агар Варан Испанияда қолганида, у камроқ жароҳат олиши ҳам мумкин эди. Премьер-лигада футбол анча оғирроқ ва бу, албатта, франциялик футболчи фаолиятини эрта якунлашига таъсир қилди.

 

Варан жуда мослашувчан футболчи эди ва ҳимоя марказида турли ўйинчилар билан ўйнай оларди. "Реал Мадрид"да у Серхио Рамос билан ҳимояни мустаҳкамлади. Франция терма жамоаси билан иккита жаҳон чемпионати финалида ўйнади. 2018 йилда - Самуэл Умтити билан, 2022 йилда - Даё Юпамекано билан жамоасининг ҳимоя чизиғида ҳаракат қилди. У футболчи сифатида фаолиятини якунлаган бўлиши мумкин, лекин футбол билан хайрлашгани йўқ. Инсайдер Фабрицио Романо франциялик футболчи "Комо" клубида маъмурий лавозимда қолишини маълум қилган.