"Реал" Мбаппенинг ўйинидан рози
Мутахассисларнинг айтишича, Килиан имконият даражасидан 60 фоизга яқинини ишлатмоқда.
"Реал" мавсумлар оралиғида жамоага келиб қўшилган франциялик тўпурар Килиан Мбаппенинг ўйинларига юқори баҳо берди. Франциялик ҳужумчи италиялик бош мураббий Карло Анчелотти қўл остида жами 11 та учрашувда иштирок этиб, рақиблар дарвозасини етти маротаба ишғол қилди ва жамоадошларига битта голли пас узатди.
Мадридликларга юлдуз даражасидаги ўйинчининг камтарлиги ва янги муҳитга жуда тез мослаша олиш қобилияти ҳам маъқул келгани айтилмоқда.
Шунга қарамай, "Реал" хўжайинлари Килиан Мбаппе бор имкониятини ишга солишига яна вақт кераклигини таъкидламоқда. Мутахассисларнинг айтишича, Килиан имконият даражасидан 60 фоизга яқинини ишлатмоқда.
