Винисиус “Олтин тўп”ни нега қўлга кирита олмади?
Соврин “Манчестер Сити” аъзоси Родрига насиб этди
Виниcиус Жуниор “Олтин тўп”ни қўлга кирита олмади. Гарчи бутун жамоатчилик бунга деярли охиригача ишонган эди. Совринни "Манчестер Сити" ярим ҳимоячиси Родри олди. Норозилик белгиси сифатида "Реал Мадрид" ҳужумчиси бутун жамоа билан бирга маросимда иштирок этмади. Аслида "Олтин тўп" ғолиби қандай аниқланди? Виниcиус мазкур совринни қўлга киритиши ҳақида биринчи бўлиб "Марса" нашри ёзди. Шундан кейин ҳамма бунга ишонч ҳосил қилди.
24 сентябрь куни Мадриднинг асосий спорт нашри "Марса" буни барчага маълум қилди. Унга кўра, "Реал Мадрид" ҳужумчиси мавсумнинг энг яхши футболчиси сифатида танланиши ҳақида билдиришнома олган. "Нике" эса аллақачон унинг учун ноёб олтин бутсалар ишлаб чиқаришни бошлаган. Шунингдек, Мадридда пойабзаллар сотиладиган янги дўкон очиш режалаштирилган эди.
9 октябрь куни "Релево" нашри “Реал Мадрид” Виниcиус мукофотни олишига ишонч ҳосил қилгани ҳақида хабар берди. Клубнинг маркетинг бўлими байрамни ўтказиш ва ижтимоий тармоқларда қандай тақдим этилишини ўйлаб кўрган. Шунингдек, Вини билан Парижга боришга делегация ҳам белгиланган. Умуман олганда, ҳамма нарса шунга тайёр эди. 20 октябрь куни "Аs" газетаси қўшимча саифатида, "Реал Мадрид" Виниcиуснинг ғалабасига тўлиқ ишонишини билдирган. Гарча бунга ҳеч қандай расмий изоҳ мавжуд эмас эди. Тахминан ўша кунлари клуб вакиллари оммага чиқиш қилиб, футболчининг мукофоти ҳақида гапира бошлашди.
"Ўйлашимча, у дортмундликларга қарши ўйин учун эмас, балки ўтган мавсумда қилган ишлари туфайли совринни қўлга киритади. Бу учта гол унга келаси йил ғалаба қозонишда ёрдам беради”, - деди Анчелотти 2024 йилнинг 22 октябридаги интервьюсида.
26 октябрь куни ўша "Марса" нашри "Реал Мадрид" Парижга борадиган делегацияни аниқлагани ҳақида хабар берган эди. Уни Флорентино Перес ва Анчелотти бошлаб боради. Маросимда Виниcиус, Жуд Беллингем, Федерико Валверде ва Андрей Лунин иштирок этиши қайд этилган.
Шундан сўнг, бу маълумотни "Реал Мадрид" футболчисининг ўзи ҳам тасдиқлади. У душанба куни Парижга “Олтин тўп”ни қўлга киритиш учун кетаётганини айтган. Кеча эрталаб "Даилй Маил" нашри якуний овоз бериш рўйхатининг фотосуратини эълон қилди. Бироқ, бу ҳали ўзининг расмий тасдиғини топмаган эди. Шундан кейин энг ҳайратланарли хабарлар чиқа бошлади. Биринчидан, "РМС Спорт" журналисти Фабрис Хокинс Винининг атрофидагилар унинг мукофотни олмаслигига ишончлари комил эканликларини хабар қилди. Унинг ҳамкасби Хосе Луис Санчес ва замонамизнинг асосий инсайдери Фабрицио Романодан сўнг Родри овоз беришда биринчи ўринни эгаллагани маълум бўлди. Виниcиус эса иккинчи ўринни қўлга киритди.
"Марса" нашрининг хабарига кўра, клуб якуний маълумотни Мадриддан кетишдан бир неча соат олдин олган. Натижани билиб, Виниcиус маросимга боришдан бош тортган. Уни делегациянинг қолган аъзолари қўллаб-қувватлашган. Умумий рўйхатда Виниcиус иккинчи, Беллингем учинчи ва Карвахал тўртинчи ўринни қўлга киритди. "Реал Мадрид" йилнинг энг яхши жамоаси деб тан олинди, Анчелотти эса энг яхши мурабббий бўлди. Бироқ, бу клубга ижобий кайфият бермаган.
