ЕИ Эронга қарши янги санкциялар жорий қилди
Бунга Эроннинг урушни қўллаб-қувватлагани сабаб бўлган.
ЕИ Россиянинг Украинага қарши урушини қўллаб-қувватлагани учун Эронга қарши янги санкциялар жорий қилди.
"Европа Иттифоқи Эрон Россиянинг Украинага қарши босқинчилик урушини, шунингдек, Яқин Шарқ ва Қизил денгиз минтақасидаги қуролли гуруҳларни қўллаб-қувватлагани учун унга қарши чекловларни кенгайтирилди", дейилади Европа Иттифоқи Кенгаши баёнотида.
Қайд этилишича, Европа Иттифоқидан Эронга ракета ва дронларни яратиш ва ишлаб чиқаришда фойдаланиладиган бутловчи қисмларни экспорт қилиш, етказиб бериш ёки сотиш тақиқланади.
Бундан ташқари, Европа Иттифоқи Эрон дронлари ёки ракеталарини, шунингдек, тегишли технологиялар ва компонентларни Россия Федерациясига етказиб бериш учун фойдаланиладиган портлар билан ҳар қандай операцияларни тақиқлади. Шунингдек, бундай ташиш билан шуғулланадиган кемаларга ҳар қандай хизматларни кўрсатиш ҳам тақиқланади.
Шу билан бирга, ЕИ Кенгаши Эрон ва Россия ўртасидаги ҳарбий-техник ҳамкорликда иштирок этувчи бир шахс ва тўртта ташкилотга нисбатан мақсадли санкциялар киритди. Булар Эроннинг Islamic Republic of Iran Shipping Lines (IRISL) ва унинг директори Муҳаммад Ризо Хиабани, шунингдек, Россиянинг “МГ Флот” , “ВТС-Брокер” ва “Арапакс” юк ташиш компаниялари.
