Трамп армиядаги трансгендерларни лавозимидан четлатмоқчи
АҚШ армиясида 15 минг трансгендер шахслар хизмат қилади.
Қўшма Штатларнинг сайланган президенти бундай фармонни 20 январда, янги президентлик муддатининг биринчи кунида чиқариши мумкин.
Тhe Times'нинг хабар беришича, трансгендер ҳарбийлар тиббий сабабларга кўра четлатилиши ва уларга келажакда ҳам ҳарбий соҳада фаолият юритиш тақиқланиши мумкин.
Маълумотларга кўра, Қўшма Штатлар армиясида жами 15 минг трансгендер шахслар хизмат қилади, уларнинг баъзилари юқори мартабали зобитлардир.
Газетанинг эслатишича, Трамп ўзининг биринчи президентлик муддатида трансгендерларни ҳарбий хизматга ёллашни тақиқлаб қўйган эди, бироқ кейинчалик аллақачон хизмат қилаётган трансгендерлар қуролли кучлардаги ўз ўринларини сақлаб қолишлари қайд этилган. Жо Байден президентлик лавозимини эгаллагач, Трампнинг бу қарорни бекор қилганди.
