Ўзбекистон МДҲ мамлакатлари орасида "энг яхши саёҳат йўналиши" деб топилди
Бу ҳақида Туризм қўмитаси маълум қилди.
Ўзбекистон Россиянинг “Russian traveler” журнали томонидан ташкил этилган "Russian traveler Awards 2024” миллий туризм мукофотининг эксперт ҳакамлар ҳайъати танлови натижасига кўра “Туризм в СНГ” номинациясида ғолиб деб топилди. Тақдирлаш маросимида Туризм қўмитаси раисининг биринчи ўринбосари Жамшид Абдусаломов бошчилигидаги Ўзбекистон делегацияси иштирок этди.
Маълумот учун: “Russian traveler” журнали — бу мамлакат ичида саёҳат қилиш ва машҳур халқаро йўналишларга бағишланган рус нашридир. У саёҳат ғоялари, эксперт маслаҳатлари ва жонли фотосуратлар билан мақолаларни таклиф этади. Журналнинг биринчи сони 2022 йилда Санкт-Петербург халқаро иқтисодий форумида тақдим этилган.
Журнал, шунингдек, Россиядаги энг яхши сайёҳлик йўналишлари, меҳмонхоналар, круизлар ва туризмнинг бошқа жиҳатларини эътироф этувчи ҳар йили “Russian traveler” мукофотларини ташкил қилади.
Жорий йил июл ойида Россиянинг мазкур журнали Ўзбекистоннинг туризм салоҳиятига бағишланган “Ўзбекистон — Шарқ эртаги” («Узбекистан – Восточная сказка») номли махсус сони чоп этилган бўлиб, рус китобхонлари орасида катта қизиқиш уйғотган.
