Тошкентда сотув офисларидан бири ёниб кетди
Ҳолат юзасидан ФВБ маълумот берди.
Ижтимоий тармоқда Тошкент шаҳар Чилонзор туманидаги сотув офиси ёниб кетгани акс этган видео тарқалди. Ҳолат юзасидан шаҳар ФВБ маълумот берди.
Қайд этилишича, 26 февраль куни соат 02:18 да Чилонзор тумани “Тирсакобод” МФЙ ҳудудида жойлашган қурилиш олиб борилаётган бинода ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув экипажлари соат 02:21 да воқеа жойига етиб бориб, ёнғин соат 02:46 да қуршаб олинди ва соат 02:54 да ўчирилди.
Ҳозирда ёнғин сабаби ва зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар йўқ
