Паркентдаги боғчада болалар калтакланди
Ҳозирда ҳолат юзасидан тергов ҳаракатлари олиб борилмоқда.
Ижтимоий тармоқларда Тошкент вилояти Паркент туманидаги болалар боғчасида тарбиячи томонидан болаларга зўравонлик қилинганига оид видеоёзув тарқалди.
Болалар ҳуқуқларини ҳимоя қилиш бўйича Омбудсман мазкур ҳолатни ўрганмоқда. Дастлабки маълумотларга кўра, 2025 йил 28 февраль куни боғча тарбиячиси A.P. тарбияланувчилар – Z.R. (2018 йилда туғилган қиз бола) ва S.M. (2019 йилда туғилган, ўғил бола)нинг қулоқ қисмидан тортиб, юз ва бошларига бир неча бор урган. Ушбу ҳаракатлар видеоёзувда қайд этилган.
Айни пайтда ҳолат бўйича терговга қадар текширув олиб борилмоқда. Болаларга тан жароҳати етказилганлиги фактини аниқлаш мақсадида суд-тиббий экспертиза тайинланган.
