Жанубий Кореяда вертолёт ҳалокатга учради
Фожиа оқибатида учувчи ҳалок бўлди.
Жанубий Кореянинг Эусон округида ўрмон ёнғинларини ўчиришда иштирок этган вертолёт ҳалокатга учради. Ҳодиса натижасида бортда бўлган ягона учувчи ҳалок бўлди. Бу ҳақда Ёнҳап агентлиги хабар берди.
Чоршанба куни Корея Республикаси президенти вазифасини бажарувчи Бош вазир Хан Док Су мамлакатда авж олган ўрмон ёнғинларини тарихдаги “энг ёмон” ёнғинлар деб атади. Ёнғинлар оқибатида 18 киши ҳалок бўлган, 13 киши жароҳатланган, 20 мингдан ортиқ одам эвакуация қилинган.
Ёнғинларга қарши курашишда 128 та вертолёт, 1100 дан ортиқ ҳарбий, 3100 га яқин ўт ўчирувчи ва 4600 га яқин давлат хизматчиси жалб қилинган. Расмийлар ёнғинларнинг сабаби эҳтиётсизлик ёки бепарволик бўлиши мумкинлигини тахмин қилмоқда.
