АҚШда кичик самолёт йўлга қулаб тушди
Ҳозирда ҳалокат оқибатлари аниқланмоқда.
АҚШнинг Флорида штатида кичик моторли самолёт ҳалокатга учради.
Қайд этилишича, Сессна 310Р русумли енгил самолёт Бока-Ратон шаҳрида автомобиль йўлига қулаб тушган. Ҳодиса шаҳар яқинидаги йўл ҳаракати иштирокчилари учун ҳам хавфли бўлди, бироқ дастлабки маълумотларга кўра, йўлда бўлган машиналарга катта зарар етмаган.
Самолёт Бока-Ратондан Флорида штатининг шимолидаги Таллаҳассига парвоз қилаётган эди. Бортда 6 нафар одам бўлгани тахмин қилинмоқда. Ҳозирча улар орасида тирик қолганлар ёки қурбонлар бор-йўқлиги ҳақида расмий маълумот берилмаган.
Маҳаллий фавқулодда вазиятлар хизматлари воқеа жойига зудлик билан етиб боришган. Ҳозирда ҳалокат сабаблари бўйича тергов олиб борилмоқда.
