Трамп Маскни “олтин калит” билан кузатди
Маск давлат харажатларини бир триллион долларга қисқартирган.
АҚШ президенти Доналд Трамп Оқ уйда бўлиб ўтган матбуот анжуманида Илон Маскнинг Ҳукумат самарадорлиги департаменти (DOGE) раҳбари лавозимидан кетишини эълон қилди ва унга Оқ уй тасвири туширилган рамзий “олтин калит”ни топширди.
Маск давлат харажатларини бир триллион долларга қисқартиришга эришганини таъкидлади. CNN маълумотига кўра, у дастлаб икки триллион доллар тежашни ваъда қилган, аммо кейинчалик бу режа қисқартирилган.
Трамп Маскни “дунёнинг энг буюк бизнес раҳбарлари ва инноваторларидан бири” деб атади. Маск эса лавозимдан кетганидан кейин ҳам президентнинг “дўсти ва маслаҳатчиси” бўлиб қолишини билдирди.
