Европанинг икки давлати Россия газини тақиқлашдан воз кечди
Франция ва Бельгия Россия газини тақиқлашдан аввал чуқур таҳлил талаб қилмоқда.
Европа Иттифоқининг Россиядан суюқ табиий газ (ЛНГ) импортини тақиқлаш режасига Бельгия ва Франция эҳтиёткорлик билан ёндашмоқда. Иккала давлат ҳам ушбу санкцияни қўллаб-қувватлашдан бош тортди.
Маълум қилинишича, Брюссел Москва гази импортини тўлиқ тақиқлаш бўйича режа ишлаб чиқмоқда, бироқ бу ташаббус Европадаги Россия ЛНГсининг энг йирик икки харидори — Бельгиялар ва Францияларнинг қаршилигига учрамоқда.
Франция расмийлари ушбу чорани кўриб чиқишдан олдин тақиқнинг иқтисодий ва ҳуқуқий оқибатлари бўйича аниқ ва асосли маълумотларни талаб қилмоқда. Париж айни дамда Россия гази ўрнини босувчи муқобил энергия манбаларини топиш бўйича стратегия ишлаб чиқмоқда.
Бельгия ҳукумати эса санкциялар натижасида юзага келиши мумкин бўлган муҳим оқибатлар юзасидан махсус ҳисобот тайёрлаш ниятида. Шундан сўнггина улар якуний қарорга келишини билдирди.
