Исроил 60 кунлик сулҳга рози бўлди
Трамп бу ҳақда Truth Social ижтимоий тармоғида маълум қилди.
АҚШ президенти Доналд Трампнинг айтишича, Исроил Ғазода 60 кунлик ўт очмаслик шартларига рози бўлган. Бу таклифга кўра, икки томон можарони юмшатиш учун вақтинча сулҳга келиши мумкин.
Трамп бу ҳақда Truth Social ижтимоий тармоғида ёзган. Унга кўра, Исроил ушбу режа асосида гаровдагиларни алмашиш ва тинчлик йўлида музокара қилишга тайёр. Трамп, бу имкониятдан фойдаланиш керак, деб ҳисоблайди.
"Яхши томонга силжиш фақат шу йўл билан мумкин", — деди у. "Акс ҳолда вазият оғирлашади, ўз-ўзидан яхшиланмайди".
Келишув амалга ошса, Исроил гаровга олинганларни озод қилиш эвазига баъзи фаластинлик маҳбусларни қўйиб юборади. ҲАМАСдан ҳали расмий жавоб йўқ, бироқ бу таклиф халқаро доиралар томонидан эҳтиёткорлик билан кузатилмоқда.
