Трамп Канаданинг Тинчлик Кенгашига таклифини бекор қилди

 

АҚШ президенти Доналд Трамп Канада Бош вазири Марк Карнининг ўзи ташаббускор бўлган “Тинчлик Кенгаши” таркибига қўшилиш бўйича таклифномаси бекор қилинганини маълум қилди. Бу ҳақда Трамп ўзининг Truth Social ижтимоий тармоғидаги саҳифасида эълон қилди дейди РБК.

 

“Ушбу хат орқали Тинчлик Кенгаши сизни Канадага тегишли энг нуфузли етакчилар кенгаши аъзоси сифатида таклиф қилиш қарорини қайтариб олганини маълум қиламиз”, — деб ёзган Трамп Марк Карнига йўллаган баёнотида.

 

Мазкур қарор Канада Бош вазирининг аввалроқ билдирган баёнотлари фонида қабул қилинган. Хусусан, Марк Карни Давосда ўтказилган Жаҳон иқтисодий форумида сўзга чиқиб, кичик ва ўрта давлатлар омон қолиш учун АҚШ президенти билан “яқинлашишга мажбур эмас”, балки ўзаро бирликда ҳаракат қилиши зарурлигини таъкидлаган эди.

 

Шунингдек, Карни ҳозирги глобал вазиятни “кучлилар истаганини қиладиган, кучсизлар эса ўз ҳуқуқларини талаб қилишга мажбур бўлган давр” сифатида баҳолаб, қоидаларга асосланган халқаро тартиб заифлашганини қайд этган.

 

The New York Times нашрининг ёзишича, Трамп ва Карни ўртасидаги муносабатлар аввалига нисбатан барқарор бўлганига қарамай, АҚШ президентининг иккинчи муддати бошида Канадага нисбатан савдо тарифлари жорий этилгани икки томонлама алоқаларда кескинликни кучайтирган. Шунингдек, Трампнинг Канадани “АҚШнинг 51-штати” сифатида тилга олиши ҳам Оттавада хавотирларга сабаб бўлган.

 

Мазкур жараёнлар фонида Канада ҳукумати АҚШ бозорига қарамликни камайтириш мақсадида бошқа давлатлар, жумладан Хитой билан иқтисодий алоқаларни кенгайтиришга интилмоқда.