Ўзбекистон

Фарғонада кўча безорилиги билан шуғулланган 15 киши ҳибсга олинди

Улар вояга етмаган йигитни дала майдонига олиб бориб, ҳафтасига 500 доллар беришини талаб қилган ва пул бермаган тақдирда ўлдириш билан таҳдид қилган.

Фарғонада кўча безорилиги билан шуғулланган 15 киши ҳибсга олинди

 

Фарғона вилоятининг Қўқон шаҳрида кўча безорилиги билан боғлиқ бир қатор жиноятлар фош этилди. Жорий йилнинг 17–19 январ кунлари содир бўлган ҳолатлар юзасидан ҳуқуқ-тартибот органлари томонидан тезкор чоралар кўрилди. Бу ҳақда Фарғона вилояти Ички ишлар бошқармаси маълум қилди.

 

Аниқланишича, 17 январ куни Қўқон шаҳрида яшовчи шахс бир гуруҳ тарафдорлари билан вояга етмаган йигитни Учкўприк туманидаги дала майдонига олиб бориб, ундан ҳафтасига 500 АҚШ доллари талаб қилган. Жабрланувчи пул бермаган тақдирда ўлдириш билан таҳдид қилинган. Шунингдек, унга турли тан жароҳатлари етказилиб, ёнидаги 200 доллар зўрлик ишлатиш йўли билан тортиб олинган.

 

Мазкур ҳолатдан хабар топган вояга етмаган шахснинг таниши ҳам ўз тарафдорлари билан қарши гуруҳ билан Қўқон шаҳрининг Алишер Навоий мавзеси ва Саланг кўчаларида учрашган. Томонлар ўртасида келиб чиққан келишмовчилик оқибатида ўзаро тан жароҳатлари етказилиб, шахслар ҳодиса жойидан яширинган.

 

19 январ куни эса биринчи гуруҳ етакчиси ўн нафарга яқин тарафдорлари билан иккинчи гуруҳ етакчисини Қўқон шаҳри бўйлаб қидиришга тушган. Улар қора рангли Спарк русумли автомашинада ҳаракатланаётгани аниқланиб, қасддан автомашина билан уриб тўхтатилган. Автомашинадагилар қочиб кетган бўлсада, транспорт воситасига совуқ қуроллар ёрдамида жиддий зарар етказилган.

 

Мазкур ҳолат юзасидан Қўқон шаҳар ички ишлар бошқармаси томонидан Жиноят кодексининг 277-моддаси 3-қисми «г» банди билан жиноят иши қўзғатилди. Фарғона вилояти Ички ишлар бошқармаси ва Давлат хавфсизлик хизмати ходимлари ҳамкорлигида ўтказилган тезкор тадбирлар натижасида 25 нафар шахс аниқланиб, терговга жалб этилди.

 

Уларнинг 15 нафари Жиноят-процессуал кодексининг 221-моддаси асосида ушланган. Шунингдек, 3 нафар шахсга суд томонидан 15 суткадан маъмурий қамоқ жазоси тайинланди. Айни пайтда жиноятга алоқадор бошқа шахсларни аниқлаш бўйича тергов ҳаракатлари давом эттирилмоқда.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.