Жаҳон

Япония сайловларида Такаичи коалицияси ғалабага эришди, уни биринчи бўлиб Трамп табриклади

Сайлов натижалари ортидан мамлакат акциялари кескин кўтарилди.

Япония сайловларида Такаичи коалицияси ғалабага эришди, уни биринчи бўлиб Трамп табриклади

 

Японияда ўтказилган парламент сайловлари якунига кўра, бош вазир Санаэ Такаичи етакчилигидаги Либерал-демократик партия (ЛДП) ва унинг иттифоқчилари қуйи палатада йирик ғалабага эришди. Сайлов натижаларига кўра, ЛДП тарихидаги энг юқори натижани қайд этиб, 300 дан ортиқ ўринни қўлга киритди ва устунликка эришди. Бу ҳақда Reuters хабар берди.

 

Таҳлилчиларнинг фикрича, партиянинг бундай натижага эришишида Такаичининг юқори шахсий рейтинги ва ҳукуматнинг иқтисодий ҳамда хавфсизлик сиёсатига оид фаол ташаббуслари сабаб бўлган.

 

Маълумотларга кўра, 465 ўринли қуйи палатада кўпчиликни қўлга киритиш учун камида 233 мандат талаб қилинади. 2026 йилги сайловларда эса ҳукмрон партия парламент тарихидаги 1955 йилда ташкил этилганидан бери энг катта фракциялардан бирини шакллантирди.

 

Шунингдек, ЛДП ҳамкор партиялар билан биргаликда қуйи палатада янада катта сиёсий устунликка эга бўлди. Бу ҳукуматга қонунчилик ташаббусларини тезроқ илгари суриш имконини беради.

 

Муддатидан олдин ўтказилган сайловлар расман якунланишидан олдин Қўшма Штатлар президенти Доналд Трамп Truth Social ижтимоий тармоғида Такаичини “улкан ғалаба” билан табриклади.

 

Сайловдан бир кун олдин Трамп Такаичини очиқ қўллаб-қувватлашини билдирган эди. Бу АҚШ президентида кам учрайдиган ҳолат экани айтилмоқда.

 

9 февраль куни эрталаб бозорлар очилиши билан Япония фонд бозорида кескин ўсиш кузатилди. Бу ҳолат Япония бош вазири Санаэ Такаичи раҳбарлигидаги Либерал-демократик партиянинг (ЛДП) сайловдаги йирик ғалабаси билан изоҳланмоқда.

 

Эрта савдолар давомида “Nikkei” индекси 5 фоиздан ортиқ ошиб, тарихда илк бор қисқа вақт ичида 57 000 пунктдан юқори даражани синовдан ўтказди. Савдо жараёни давомида индекс ўсиш суръатини бироз пасайтириб, 56 900 – 57 000 пункт оралиғида шаклланди. Ушбу кўрсаткич инвесторларнинг Японияда фискал рағбатлантириш сиёсати давом этиши ҳамда фоиз ставкалари паст даражада сақланиб қолиши бўйича юқори кутилмаларини акс эттиради.

 

Япония фонд бозорининг умумий ҳолатини акс эттирувчи Топих индекси ҳам ижобий динамикани намойиш этди. Индекс 3,4 фоизга ошиб, кун ичидаги янги максимал даражани қайд этди.

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

Минтақадаги ҳарбий-денгиз кучлари таркибига 13 та эсминец ва иккита крейсер ҳам киради.

Трампнинг Хитойга сафари: Ким Чен Ин билан учрашув ўтказилиши мумкин

Трампнинг Хитойга сафари: Ким Чен Ин билан учрашув ўтказилиши мумкин

Трамп 2017–2021 йиллардаги президентлик муддати давомида Ким Чен Ин билан бир неча бор учрашган.

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Уларнинг манзилига етиб бориши учун ҳар биридан қўшимча 400 доллар талаб қилингани айтилмоқда.

Қозоғистонда илк тажриба: сунъий интеллект қонун лойиҳасини ишлаб чиқди

Қозоғистонда илк тажриба: сунъий интеллект қонун лойиҳасини ишлаб чиқди

Ҳужжат болаларнинг рақамли ва ахборот хавфсизлигини таъминлашга қаратилган.

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Бу қарор йирик давлат компаниялари раҳбарлари коррупцияга оид гумонлар билан ҳибсга олинганидан бир неча кун ўтиб қабул қилинди.

Россия меҳнат бозорида ўзбекистонликлар етакчи: тўққиз ойлик статистика эълон қилинди

Россия меҳнат бозорида ўзбекистонликлар етакчи: тўққиз ойлик статистика эълон қилинди

Тўққиз ойда 1,5 миллиондан ортиқ фуқаро ушбу мақсадда мамлакатга кирган.

Иорданияда черковга қилинган ҳужум: уч нафар эркак ўлим жазосига ҳукм қилинди

Иорданияда черковга қилинган ҳужум: уч нафар эркак ўлим жазосига ҳукм қилинди

Ҳужум 23 октябрь куни юнон православ черковида дафн маросими вақтида содир бўлганди.

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Тибет чегара полицияси таркибидаги махсус бўлинмалар яқин масофадаги жанглар, тоғли ҳудудларда ҳаракатланиш ва дронлардан фойдаланиш бўйича тайёргарликдан ўтказилмоқда.